Миланнинг «Интер» клуби собиқ дарвозабони Самир Ханданович Антонио Конте билан ишлаган биринчи йили ҳатто тиш шифокорига боришда ҳам қийинчиликларга дуч келганини айтди. Конте футболчиларнинг, ҳатто асосли сабабларга кўра ҳам, машғулотларни қолдиришини жуда ёқтирмаган.
«У жуда кўп нарсани талаб қилади, ҳатто ўзидан ҳам. У учун фақат футбол бор. Биринчи йили ҳатто тиш шифокорига қабулга ёзилиш ҳам қийин эди, чунки эртаси куни машғулот қачон бўлиши фақат олдинги куни кечқурун маълум бўларди», — дея Хандановичнинг сўзларини derbyderbyderby.it келтирди.
Эслатиб ўтамиз, Самир Ханданович 2012 йилдан 2023 йилгача «Интер» сафида ўйнаган.
