Milanning «Inter» klubi sobiq darvozaboni Samir Xandanovich Antonio Konte bilan ishlagan birinchi yili hatto tish shifokoriga borishda ham qiyinchiliklarga duch kelganini aytdi. Konte futbolchilarning, hatto asosli sabablarga ko‘ra ham, mashg‘ulotlarni qoldirishini juda yoqtirmagan.
«U juda ko‘p narsani talab qiladi, hatto o‘zidan ham. U uchun faqat futbol bor. Birinchi yili hatto tish shifokoriga qabulga yozilish ham qiyin edi, chunki ertasi kuni mashg‘ulot qachon bo‘lishi faqat oldingi kuni kechqurun ma’lum bo‘lardi», — deya Xandanovichning so‘zlarini derbyderbyderby.it keltirdi.
Eslatib o‘tamiz, Samir Xandanovich 2012 yildan 2023 yilgacha «Inter» safida o‘ynagan.
