«Сантос» Бразилия Кубогидан чиқиб кетди. Клуб Неймар жамоаси биринчи учрашувда «Палмейрас»га 0:3 ҳисобида мағлуб бўлган ва жавоб баҳсида камомадни қоплашга умид қилган эди. Бироқ майдон газони жуда ёмон ҳолатда бўлгани сабабли бунинг имкони бўлмади — жамоалар ўзаро гол уролмай, 0:0 ҳисобида дуранг ўйнади.
«Майдон учун масъул инсон ҳақида алоҳида тўхталиб ўтмоқчиман. Мен ҳеч қачон бундай майдонда ўйнамаганман. Ўйиндан бир кун олдин майдон қазиб ташлангани, натижада у тўлиқ чуқур-чуқур бўлиб қолгани ақлга сиғмайди. Майдон амалда биз учун рақибга айланди: нотекисликлар туфайли тўхташ ва тезлашиш бизга жуда қийин бўлди», — дея Неймарнинг сўзларини derbyderbyderby.it келтирди.
Неймар 2025 йилдан бери «Сантос» сафида ўйнаб келмоқда.
