«Бавария» ярим ҳимоячиси Александр Павлович «Манчестер Сити»нинг трансфер мақсади бўлган.

«Шаҳарликлар»дан биринчи сўров ҳали март ойидаёқ келиб тушган. Bayern & Germany немис журналистларига таяниб хабар беришича, Англия гранди Павлович учун 100 миллион евро таклиф қилишга тайёр бўлган. Бироқ футболчининг ўзи дарҳол рад жавобини бергани сабабли клублар ўртасида расмий музокараларгача борилмаган.

Қайд этилишича, Александр Павлович «Бавария»да ўзини қулай ҳис қилмоқда ва мюнхенликлар билан Чемпионлар лигасида ғолиб чиқишни хоҳлайди. 22 ёшли футболчининг клуб билан амалдаги шартномаси 2029 йилгача мўлжалланган.

«Манчестер Сити» эса Айюб Буадди номзодига эътибор қаратди ва якунда уни «Лилль»дан 95 миллион евро эвазига сотиб олди.