«Bavariya» yarim himoyachisi Aleksandr Pavlovich «Manchester Siti»ning transfer maqsadi bo‘lgan.
«Shaharliklar»dan birinchi so‘rov hali mart oyidayoq kelib tushgan. Bayern & Germany nemis jurnalistlariga tayanib xabar berishicha, Angliya grandi Pavlovich uchun 100 million yevro taklif qilishga tayyor bo‘lgan. Biroq futbolchining o‘zi darhol rad javobini bergani sababli klublar o‘rtasida rasmiy muzokaralargacha borilmagan.
Qayd etilishicha, Aleksandr Pavlovich «Bavariya»da o‘zini qulay his qilmoqda va myunxenliklar bilan Chempionlar ligasida g‘olib chiqishni xohlaydi. 22 yoshli futbolchining klub bilan amaldagi shartnomasi 2029 yilgacha mo‘ljallangan.
«Manchester Siti» esa Ayyub Buaddi nomzodiga e’tibor qaratdi va yakunda uni «Lill»dan 95 million yevro evaziga sotib oldi.
