Бир вақтлар фаолиятини Леверкузеннинг «Байер» клубида бошлаган Тони Кроос жамоадаги вазиятдан хавотирда. Унинг фикрича, «дориларчилар» трансфер кампаниясини яхши ўтказмаган ва шу сабабли клубдан юқори натижалар кутаётгани йўқ.
«Айтишим керакки, “Байер”нинг трансфер кампанияси менга ғалати туюлди. Уларнинг мулоқот услуби ҳам бироз ғалати бўлди. Роберт Андрихни қўйиб юборишади, шу билан бирга унинг позициясида ўйнайдиган яна икки футболчини сотишади. Билмадим, буларнинг барчаси ҳақиқатан ҳам ғалати», — дея Крооснинг сўзларини derbyderbyderby.it келтирди.
Эслатиб ўтамиз, Кроос 2009/10 мавсумда «Байер» сафида ўйнаган.
