«Манчестер Юнайтед» сардори Бруну Фернандеш ўзининг пенальтидан урган голларига жамоатчиликнинг муносабати ҳақида гапирди.

Португалиялик ярим ҳимоячи «қизил иблислар» сафида жами 110 та гол урган, шулардан 43 тасини пенальтидан киритган.

«Мен пенальтидан гол уришни яхши кўраман, чунки одамлар бу сабабли доимо нолишади. Бу менга ёқади, шикоят қилишда давом этишсин!» — деди Бруну жилмайиб. Унинг сўзларини UtdDistrict келтирди.

Фернандеш яқинда Премьер-лигада «Ипсвич»га қарши ўйинда хет-трик қайд этди. Учрашув «Манчестер Юнайтед»нинг 5:2 ҳисобидаги ғалабаси билан якунланган. Ярим ҳимоячининг учта голидан бири пенальтидан урилган.