«Милан» ярим ҳимоячиси Лука Модрич Хорватия терма жамоасидаги фаолиятини якунлашни режалаштирмаяпти.
Ёз бошидаёқ матбуотда ярим ҳимоячи фаолиятини якунлаши мумкинлиги ҳақида хабарлар пайдо бўлган эди. Бироқ июль ойида футболчи «россонери» билан шартномасини яна бир йилга узайтирди. Кўринишидан, Модрич терма жамоадаги фаолиятини ҳам якунламоқчи эмас: Madrid Xtra RTL манбасига таяниб хабар беришича, тажрибали футболчи Хорватия миллий жамоаси сафида ўйнашда давом этишга қарор қилган.
Лука Модрич Хорватия терма жамоасида 2006 йилда дебют қилган. У умумий ҳисобда 202 та учрашув ўтказиб, 29 та гол ва 32 та голли узатма қайд этган. 9 сентябрь куни «Реал»нинг собиқ футболчиси 41 ёшни қаршилайди.
