«Манчестер Юнайтед» капитани Бруну Фернандеш Чемпионлар лигасида Лиссабоннинг «Спортинг» клубига қарши бўлажак ўйин ҳақида фикр билдирди.
«Қизил иблислар»нинг сафардаги учрашуви умумий босқич доирасида 25 ноябрь куни бўлиб ўтади.
«Мен жуда хурсандман. У ерга қайтиб, “Спортинг”ка қарши ўйнай олишимни билганимдан мамнун бўлдим. Шу билан бирга, албатта, менда аралаш ҳиссиётлар бор, чунки бу клуб билан боғлиқ ажойиб хотираларим мавжуд», — дея португалиялик ярим ҳимоячининг сўзларини UtdDistrict келтирди.
Бруну Фернандеш 2017 йил ўрталаридан 2020 йил бошларига қадар «Спортинг» сафида ўйнаган. Шундан сўнг у «Манчестер Юнайтед»га кўчиб ўтган.
