Миланнинг «Интер» клуби собиқ дарвозабони Самир Ханданович жамоанинг ҳозирги муваффақиятларида 2021 йилда клубни тарк этган Антонио Конте катта роль ўйнаган, деб ҳисоблайди. Айнан Конте даврида клубда сўнгги йилларда миланликларга Чемпионлар лигаси финалида икки марта ўйнаш имконини берган ғалаба қозониш менталитети шаклланган.
«Контенинг келиши, унинг менталитети ва тактикаси билан бирга клубга муҳим янги футболчилар ҳам келди. Шу тариқа ғалаба қозонадиган «Интер»нинг ўзаги шаклланди. Кейинги мураббийлар ҳам бундан фойда кўришди», — дея Хандановичнинг сўзларини derbyderbyderby.it келтирди.
Эслатиб ўтамиз, словениялик дарвозабон 2023 йилда фаолиятини якунлаган.
