Бугун, 4 сентябрь куни Ўзбекистон Суперлигасининг 20-тури доирасида "Бунёдкор" ва "Сурхон" жамоалари ўзаро баҳс олиб боради. Учрашув соат 18:00 да бошланади.

Жамоаларнинг чемпионат доирасидаги ўзаро ўйинлари тарихида ҳозирга қадар 15 та учрашув қайд этилган. Уларда "Бунёдкор" 8 марта ғалаба қозонган бўлса, "Сурхон" 6 та баҳсда устун келган. Фақат битта учрашувда ғолиб аниқланмаган.

Тўплар нисбатида ҳам пойтахт клуби устун — 23:16. "Бунёдкор"нинг ушбу рақиб устидан энг йирик ғалабаси 5:1 ҳисобида қайд этилган. "Сурхон" эса "қалдирғочлар"ни энг йирик ҳисобда 3:1 ва 2:0 натижалари билан мағлуб этган.

Қизиғи, жамоалар ўртасида дуранг жуда кам кузатилган. Ягона дуранг айнан жорий мавсумнинг биринчи даврасида қайд этилди. 11 март куни Термизда ўтган баҳсда томонлар 0:0 ҳисобида муроса қилган.