Бугун, 4 сентябрь куни Ўзбекистон Суперлигасининг 20-туридан ўрин олган марказий учрашувлардан бири Қаршида бўлиб ўтади. "Насаф" ўз майдонида "Нефтчи"ни қабул қилади.
Учрашув соат 19:00 да Қарши марказий стадионида бошланади ва Futbol TV телеканали орқали жонли эфирда намойиш этилади.
Жамоалар шу кунга қадар барча мусобақалар доирасида 55 марта ўзаро тўқнаш келган. Бу борада кучлар деярли тенг: "Насаф" 22 та, "Нефтчи" эса 21 та учрашувда ғалаба қозонган. Яна 12 та баҳсда дуранг қайд этилган.
Тўплар нисбатида қаршиликлар устун — "Насаф" рақиб дарвозасига 69 та гол урган, фарғоналиклар эса 61 марта жавоб қайтарган.
Ўзаро учрашувларда "Насаф"нинг энг йирик ғалабаси 4:1 ҳисобида қайд этилган. "Нефтчи" эса қаршиликларни энг катта ҳисобда 4:0 натижаси билан мағлуб этган.
Бугунги баҳс "Насаф" ва "Нефтчи" ўртасидаги 56-учрашув бўлади.
