Bugun, 4 sentyabr kuni O‘zbekiston Superligasining 20-turidan o‘rin olgan markaziy uchrashuvlardan biri Qarshida bo‘lib o‘tadi. "Nasaf" o‘z maydonida "Neftchi"ni qabul qiladi.
Uchrashuv soat 19:00 da Qarshi markaziy stadionida boshlanadi va Futbol TV telekanali orqali jonli efirda namoyish etiladi.
Jamoalar shu kunga qadar barcha musobaqalar doirasida 55 marta o‘zaro to‘qnash kelgan. Bu borada kuchlar deyarli teng: "Nasaf" 22 ta, "Neftchi" esa 21 ta uchrashuvda g‘alaba qozongan. Yana 12 ta bahsda durang qayd etilgan.
To‘plar nisbatida qarshiliklar ustun — "Nasaf" raqib darvozasiga 69 ta gol urgan, farg‘onaliklar esa 61 marta javob qaytargan.
O‘zaro uchrashuvlarda "Nasaf"ning eng yirik g‘alabasi 4:1 hisobida qayd etilgan. "Neftchi" esa qarshiliklarni eng katta hisobda 4:0 natijasi bilan mag‘lub etgan.
Bugungi bahs "Nasaf" va "Neftchi" o‘rtasidagi 56-uchrashuv bo‘ladi.
