The Telegraph маълумотига кўра, "Манчестер Юнайтед" ёзги трансфер ойнасида эркин агент Леон Горецкани ўз сафига қўшиб олиш имкониятини ҳам кўриб чиққан, аммо якунда Юри Тилеманс трансферига устуворлик берган.
Горецка "Бавария"да саккиз йил ўйнаб, шу давр мобайнида етти марта Бундеслигада чемпион бўлганидан сўнг клубни тарк этган эди.
"Юнайтед" аввал Эдерсонни қўлга киритишга ҳаракат қилган. Футболчи ҳатто Кэррингтонда тиббий кўрикдан ўтган, аммо кейин "Аталанта"га қайтган. Шундан сўнг манкунианликлар Горецка вариантига мурожаат қилган.
Бироқ INEOS Тилеманснинг шартномасида 35 миллион фунтлик товон пули банди борлигини билгач, тезкор ҳаракат қилди. Натижада "Астон Вилла" футболчининг кетишига тўсқинлик қила олмаган.
Тилеманс "Астон Вилла"нинг Европа лигаси финалидаги ғалабасида гол урган, шунингдек, Бельгия терма жамоасини жаҳон чемпионати чорак финалига олиб чиққан.
У Англияга қайтиши билан "Манчестер Юнайтед"га ўтишини расмийлаштирди ва жамоанинг АПЛдаги дастлабки икки ўйинини асосий таркибда бошлади.
Унинг собиқ жамоадоши Жон Макгинн Тилеманс ҳақида шундай деди:
"Ажойиб профессионал. Ишчанлиги ҳам, сифати ҳам жуда юқори".
