Bild журналисти Кристиан Фальк маълумотига кўра, "Манчестер Сити" "Бавария" ярим ҳимоячиси Александр Павлович учун тахминан 100 миллион евро сарфлашга тайёр бўлган, аммо футболчи Англия клубига ўтишни рад этган.

"Бу ҳақиқатдан ҳам ҳайратланарли. "Манчестер Сити" Павлович учун 100 миллион евро таклиф қилишга тайёр, аммо ёш футболчи "йўқ" дейди. Бу жуда катта таассурот қолдиради", — деди Фальк.

Унинг айтишича, "Сити" Павловичга дастлаб март ойида, жамоани ҳали Пеп Гвардиола бошқараётган пайтда қизиқиш билдирган.

Бироқ расмий таклиф юборилмаган. Чунки Павлович жуда эрта "Бавария"ни тарк этиш нияти йўқлигини маълум қилган.

Bild журналисти Юлиан Агардининг таъкидлашича, болалигидан "Бавария" мухлиси бўлган футболчи ўзининг узоқ муддатли келажагини Мюнхенда кўрмоқда. У клубда Том Бишоф, Леннарт Карл ва Нене Браун каби яқин дўстлари билан бирга ўйнамоқда.

Павлович трансфери амалга ошмагач, "Манчестер Сити" Айюб Буадди, Эллиот Андерсон ва Энцо Фернандесни харид қилишга катта маблағ сарфлади.

22 ёшли Павлович "Бавария" сафида 102 та ўйин ўтказиб, 8 та гол ва 6 та голли узатма қайд этган. Унинг клуб билан шартномаси 2029 йилга қадар амал қилади.