Diario AS маълумотига кўра, "Реал" ҳимоячиси Жоан Мартинес ёзда бир нечта трансфер таклифини рад этган ва "Кастилья"да қолиб, Жозе Моуриньо қўл остида асосий жамоага кириш учун курашишга қарор қилган.
"Реал" ёзда бир қатор "Кастилья" футболчиларини сотиб, Ян Диоманде каби асосий жамоа учун йирик трансферларни молиялаштириш мақсадида сезиларли маблағ ишлаб топган. Аммо Мартинес шошилмаслик ва ўз имкониятини кутиш йўлини танлаган.
19 ёшли ҳимоячи ўтган мавсумда 36 та учрашувда майдонга тушган. У шу билан бирга аввалроқ олган олд хочсимон боғлам жароҳатидан босқичма-босқич тикланган.
Мартинес мавсумолди ўйинларида "Фиорентина" ва "Ференцварош"га қарши баҳсларда Моуриньо қўл остида майдонга тушган ва португалиялик мутахассисдан мақтов ҳам олган.
Ла Лига бошланганидан бери у ҳали бирор марта ўйин қайдномасига киритилмаган. Шунга қарамай, асосий жамоага йўл унинг учун очиқ қолмоқда.
Клуб спорт раҳбарияти Мартинеснинг асосий таркиб билан мунтазам машғулот ўтказишини кутмоқда. Бу эса жароҳатлар ёки ротация туфайли зарурат туғилса, унга биринчи жамоада имконият берилиши мумкинлигини англатади.
