"Манчестер Сити" бош мураббийи Энцо Мареска жамоанинг янги футболчиси Энцо Фернандес "Ковентри"га қарши учрашувда майдонга тушишга тайёрлигини маълум қилди.
Аргентиналик ярим ҳимоячи ёзги трансфер ойнасининг сўнгги кунида "Челси"дан "Манчестер Сити"га ўтди. Трансфер қиймати 125 млн фунтни ташкил этди.
"Энцо тайёр. Аввал ҳам айтганимдек, у — ғолиб. Жамоага ғолиблик менталитетига эга яна бир футболчи қўшилса, бундан ҳамма хурсанд бўлади.
Сўнгги тўрт-беш кун давомида бир нечта футболчимиз мендан унинг бизга ўтиш-ўтмаслигини доим сўраб турди. Улар Энцони жамоамизда кўришни исташди. Унинг энди биз билан экани жуда муҳим ва бундан 100 фоиз хурсандмиз", — деди Мареска.
Энди Фернандес "Ковентри"га қарши баҳсда "Манчестер Сити" сафидаги илк ўйинини ўтказиш имкониятига эга.
