«Торино» Тино Анжориннинг «Гёзтепе»га ижара асосида ўтиши бўйича келишувга эришди, дея хабар бермоқда Football Italia.
24 ёшли англиялик яримҳимоячи Туркия клубида бир мавсум ижарада ўйнайди ва мавсум якунида уни тахминан 6 миллион евро эвазига сотиб олиш имконияти мавжуд бўлади.
Анжорин «Челси» академияси тарбияланувчиси бўлиб, 2024 йилда «Эмполи»га ўтган ва ўтган ёзда 4,5 миллион евро эвазига «Торино» сафига қўшилган эди.
Шу билан бирга, «Торино»нинг яна бир яримҳимоячиси Гвидас Гинейтисни «Селтик»ка сотиш бўйича музокаралар трансфер ойнаси ёпилгунига қадар якунланмади.
«Селтик» литвалик футболчини қишки трансфер ойнасида яна ўз сафига қўшиб олишга уриниб кўриши кутилмоқда.
