"Пахтакор" бош мураббийи Камолиддин Тожиев Суперлиганинг 20-турида "Андижон" устидан қозонилган 3:0 ҳисобидаги ғалабадан кейин матбуот анжуманида иштирок этди.
Мутахассиснинг таъкидлашича, жамоаси учрашувни юқори суръатда бошлаб, баҳс давомида устунликни ўз қўлида ушлаб турган.
"Бугун беллашув бошиданоқ жуда яхши ўйин намойиш қилиб, тўлиқ устунликка эришдик. Аввалги учрашувларда бизга вазиятлардан фойдаланиш етишмаганди. Ушбу баҳсда эса яратилган имкониятларни голга айлантира олдик.
Доим камчиликлар устида ишлашда давом этамиз. Футболчиларга ҳар доимгидек борларини беришгани учун раҳмат айтаман. Чемпионлик учун имконимиз бор экан, курашишни тўхтатмаймиз", — деди Тожиев.
"Пахтакор" устози жамоа ҳужумчиси Айман Ҳуссайннинг ҳаракатларига ҳам алоҳида тўхталди.
"Айман жамоага киришиб кетишга интилмоқда. У гол уришга ҳаракат қилди. Иккинчи бўлимда рақиб дарвозабонининг қизил карточка олишига ҳам айнан у сабабчи бўлди", — деди мураббий.
