«Порту» Португалия чемпионатининг 5-туридан ўрин олган учрашувда «Морейренси»ни 2:1 ҳисобида мағлуб этди. Баҳс Порту шаҳридаги «Драгау» стадионида бўлиб ўтди.

Биринчи бўлим ўрталарида меҳмонлар ҳимоячиси Диниш Пинту ҳисобни очди. 37-дақиқада эса «аждарлар» мувозанатни тиклади — Ян Беднарек рақиб дарвозасини ишғол қилди.

Иккинчи бўлим бошида Виллиам Гомес «Порту»ни ҳисобда олдинга олиб чиқди.

Учрашув охирида «Морейренси» бир киши кам бўлиб қолди. Ярим ҳимоячи Гильерме Либерато қизил карточка олиб, майдонни тарк этди.

Шу тариқа, «Порту» мавсум бошида ўтказган бешта учрашувининг барчасида ғалаба қозонди. Жамоа 15 очко билан турнир жадвалида пешқадам бўлиб турибди.

«Морейренси» эса 4 очко билан 11-ўринни эгаллаб турибди.