Футбол жамоатчилигида «Реал»нинг «Бетис»га қарши ўйинида ҳакам мадридликлар зарарига хато қарор чиқарган-чиқармагани борасида қизғин баҳслар авж олди.

Килиан Мбаппе пенальтини аниқ амалга ошира олмади. Шу билан бирга, 11 метрлик зарба қайта тепилмади, гарчи такрорий лавҳаларда «Бетис» ҳимоячиси Марк Бартра Мбаппе зарба беришидан олдин жарима майдони ичига кириб кетгандек кўринган. Кейинчалик Бартра Мбаппенинг қайтган тўпга зарба беришга уринишига ҳам халақит берди.

Tiempo de Juego дастурида ҳакамлик бўйича эксперт Педро Мартин Бартра оёғи ҳали майдонга тегмаган бўлса ҳам, жарима майдони ичида турган футболчи сифатида баҳоланиши мумкинлигини таъкидлади.

«Аслида, футболчининг оёғи ерга теккан-тегмаганидан қатъи назар, у жарима майдони ичида деб ҳисобланади», — деди эксперт.

Муҳокама давомида студиядаги мутахассислар, агар офсайдни аниқлашда қўлланадиган тамойилдан фойдаланилса, Бартрани қоидабузарлик содир этган футболчи сифатида баҳолаш кераклигини қайд этишди.

Ижтимоий тармоқларда ҳам мухлислар ушбу эпизод юзасидан фаол баҳслашмоқда.

Эслатиб ўтамиз, «Реал» учрашувда 0:1 ҳисобида мағлуб бўлди.