Жума куни Франция чемпионатида иккита учрашув бўлиб ўтди. Улардан бирида «Осер» сафарда «Лион»га қарши майдонга тушиб, 1:3 ҳисобида мағлуб бўлди ва Лига 1да сўнгги 40 йилнинг нохуш кўрсаткичини қайд этди.

Гап шундаки, «Осер» Франция чемпионатининг дастлабки уч турида 10 ёки ундан кўп гол ўтказиб юборган 1985 йилдан кейинги илк клуб бўлди.

Ўшанда бу ҳолат Корсиканинг «Бастия» жамоаси билан содир бўлган эди. «Бастия» дастлабки уч турда 12 та гол ўтказиб юборган ва мавсум якунида турнир жадвалида сўнгги ўринни эгаллаган.

«Осер» эса ҳозирга қадар 11 та гол ўтказиб юборди.

Айни пайтда Бургундия клуби ҳам Франция Лига 1 турнир жадвалида сўнгги ўринни эгаллаб турибди.