Франциянинг «Пари Сен-Жермен» клуби бош мураббийи Луис Энрике Лига 1 3-турида «Монако»га (1:2) қарши учрашувдаги мағлубиятдан кейин жамоада кимлар ўз ўйинини яхшилаши кераклиги ҳақида фикр билдирди. Шунингдек, испаниялик мутахассис парижликлар бош мураббийи сифатидаги тўртинчи мавсумидаги мотивацияси ҳақида гапирди.
«Мен мухлисларимиз билан бир хил ҳиссиётдаман. Биз ажойиб жамоа бўлган «Монако»га қарши ўйинни назорат қилишга ҳаракат қилдик, аммо улар учрашувни бизнинг прессингимиздан жуда яхши чиқиб кетиш қобилияти билан бошлашди. Ўйиннинг дастлабки дақиқалари оғир кечди, аммо умуман олганда, менимча, биз шубҳасиз ғалабага лойиқ эдик.
Футболчилардан мамнунман, гарчи биз индивидуал ва жамоавий жиҳатдан янада кучайишимиз керак бўлса-да. Мураббий сифатида мен ҳам ўз устимда ишлашим лозим, чунки турнир жадвалидаги ҳолатимиз яхши эмас.
Биз қизиқарли лойиҳанинг бир қисмимиз. Бир жамоа бош мураббийи сифатида тўртинчи мавсумимни бошлаётганим биринчи марта. Ҳозирги мотивациям бу ердаги ишимнинг дастлабки кунларидагидан ҳам юқори. Президент ва клуб раҳбариятининг ишончи мен учун жуда муҳим. Ҳануз мотивациям юқори ва жуда бахтлиман. Парижда узоқ вақт қолишга умид қиламан», — дея Энрикенинг сўзларини парижликлар расмий сайти келтирди.
Лига 1 турнир жадвалида Луис Энрике шогирдлари 3 турдан кейин 2 очко билан 12-ўринда бормоқда.
