«Ипсвич» Англия чемпионатининг дастлабки учта ўйинида ўз дарвозасидан 8 та гол ўтказиб юборди.

«Ливерпуль»га қарши учрашувда ўтказиб юборилган икки голдан сўнг клубнинг мавсум бошидаги умумий ўтказиб юборган голлар сони 8 тага етди.

Маълум бўлишича, бу «Ипсвич» учун 1964 йилдан бери чемпионатдаги энг ёмон старт ҳисобланади. Ўшанда ҳам жамоа дастлабки уч учрашувда 8 та гол ўтказиб юборган, аммо бу иккинчи дивизионда содир бўлган эди.

АПЛнинг кейинги турида «Ипсвич» 12 сентябрь куни «Кристал Пэлас»га қарши майдонга тушади.

Айни пайтда жамоа Англия Премьер-лигаси турнир жадвалида 13-ўринни эгаллаб турибди.