Англия Премьер-лигаси 3-турининг дастлабки учрашувида «Ливерпуль» сафарда «Ипсвич Таун»ни 2:0 ҳисобида ишончли мағлуб этди. «Қизиллар» ҳар икки голни ҳам ўйиннинг дастлабки тўққиз дақиқасида урди.

Маълум бўлишича, бу «Ливерпуль»нинг номи таркибида «Таун» сўзи бор клубларга қарши кетма-кет 21-ўйини бўлди ва жамоа бу баҳсларнинг бирортасида ҳам мағлуб бўлмаган.

Ушбу серия барча мусобақалардаги учрашувларни ўз ичига олади.

«Ливерпуль» сўнгги бор номи таркибида «Таун» сўзи бор жамоага 25 йил аввал ютқазган. Бу 2001 йил 9 октябрь куни Англия Лига кубоги доирасида «Гримсби Таун»га қарши ўйинда содир бўлган.

Ўша баҳсда «қизиллар» 1:2 ҳисобида мағлубиятга учраган эди.