Angliya Premyer-ligasi 3-turining dastlabki uchrashuvida «Liverpul» safarda «Ipsvich Taun»ni 2:0 hisobida ishonchli mag‘lub etdi. «Qizillar» har ikki golni ham o‘yinning dastlabki to‘qqiz daqiqasida urdi.

Ma’lum bo‘lishicha, bu «Liverpul»ning nomi tarkibida «Taun» so‘zi bor klublarga qarshi ketma-ket 21-o‘yini bo‘ldi va jamoa bu bahslarning birortasida ham mag‘lub bo‘lmagan.

Ushbu seriya barcha musobaqalardagi uchrashuvlarni o‘z ichiga oladi.

«Liverpul» so‘nggi bor nomi tarkibida «Taun» so‘zi bor jamoaga 25 yil avval yutqazgan. Bu 2001 yil 9 oktyabr kuni Angliya Liga kubogi doirasida «Grimsbi Taun»ga qarshi o‘yinda sodir bo‘lgan.

O‘sha bahsda «qizillar» 1:2 hisobida mag‘lubiyatga uchragan edi.