Англия Премьер-лигасининг 3-турида «Ипсвич» ўз майдонида «Ливерпуль»га 0:2 ҳисобида мағлуб бўлди. Мезбонлар ҳар икки голни ҳам ўйиннинг дастлабки дақиқаларида ўтказиб юборди.

«Ипсвич» бош мураббийи Гарри О’Нил учрашувдан сўнг жамоасининг ҳаракатларини баҳолади.

«Жамоамдан фахрланаман. Менимча, биз жуда яхши ўйнадик. Дастлабки 10 дақиқада йўл қўйилган икки хато вазифамизни анча қийинлаштирди.

Аммо шундан кейин ўйиннинг катта қисмида рақибдан яхшироқ кўриндик, деб ўйлайман. Кўпроқ зарба бердик ва бир нечта жуда яхши голли вазиятлар яратдик», — деди мутахассис BBC Sport нашрига.

Айни пайтда «Ипсвич» АПЛ турнир жадвалида 13-ўринни эгаллаб турибди.