Нидерландиялик собиқ футболчи Уэсли Снейдер ҳамюрти Дензел Дюмфриснинг "Интер"дан "Реал"га ўтиши ҳақида фикр билдирди.
"Агар сени "Реал" чақирса, бориш керак. Бу мутлақо бошқа даражадаги клуб. Дюмфрис энди Миландагидан ҳам яхшироқ ўйнаши керак. "Реал" "Интер"га қараганда нуфузлироқ клуб.
"Қаймоқранглилар"га жуда катта босим бўлади, аммо Дензелда у ерда ўйнаб кетиш учун барча керакли сифатлар бор. У "Интер"да юқори даражага чиқди", — деди Снейдер.
Дюмфрис мадридликлар сафига 20 миллион евро эвазига ўтди. 30 ёшли футболчи "Реал" билан 2030 йил ёзигача мўлжалланган шартнома имзолади.
