"Атлетико" Мадрид вингери Алекс Баэна "Манчестер Сити" ва Англия Премьер-лигасининг бошқа клублари қизиқиш доирасига тушди. Бу ҳақда Caught Offside хабар берди.

Манба маълумотига кўра, 25 ёшли испаниялик футболчига "Манчестер Сити", "Ньюкасл" ва "Астон Вилла" қизиқиш билдирмоқда.

Бироқ "Атлетико" Баэнани сотишни режалаштирмаяпти. Шу сабабли январда трансферни амалга ошириш жуда қийин бўлиши кутилмоқда.

Шунга қарамай, номлари қайд этилган клублар футболчининг трансфери бўйича вазиятни ўрганиб кўриш ниятида. Музокаралар январда бошланиши, трансфер эса кейинги ёзда амалга ошиши эҳтимолдан холи эмас.

Жорий Ла Лига мавсумида Баэна 3 та учрашувда майдонга тушиб, 3 та гол урди ва 1 та голли узатмани амалга оширди.