"Atletiko" Madrid vingeri Aleks Baena "Manchester Siti" va Angliya Premyer-ligasining boshqa klublari qiziqish doirasiga tushdi. Bu haqda Caught Offside xabar berdi.

Manba ma’lumotiga ko‘ra, 25 yoshli ispaniyalik futbolchiga "Manchester Siti", "Nyukasl" va "Aston Villa" qiziqish bildirmoqda.

Biroq "Atletiko" Baenani sotishni rejalashtirmayapti. Shu sababli yanvarda transferni amalga oshirish juda qiyin bo‘lishi kutilmoqda.

Shunga qaramay, nomlari qayd etilgan klublar futbolchining transferi bo‘yicha vaziyatni o‘rganib ko‘rish niyatida. Muzokaralar yanvarda boshlanishi, transfer esa keyingi yozda amalga oshishi ehtimoldan xoli emas.

Joriy La Liga mavsumida Baena 3 ta uchrashuvda maydonga tushib, 3 ta gol urdi va 1 ta golli uzatmani amalga oshirdi.