«Рома» бош мураббийи Жан Пьеро Гасперини Пауло Дибала ва Эван Ндика «Аталанта»га қарши ўйин учун қайдномага киритилганини маълум қилди.

Дибала ҳафта давомида мушакларидаги чарчоқ сабаб машғулотларни эҳтиёткорлик билан ўтказган эди. Гасперини аргентиналик футболчининг тиббий текширувлари жиддий муаммони аниқламаганини ва у машғулотларда синовдан ўтказилишини айтган. Ндика эса «Лечче»га қарши учрашув олдидан машғулот вақтида мушакларидаги ноқулайлик сабаб таркибдан чиқарилганди. Бироқ ҳимоячи тикланиб, «Аталанта»га қарши баҳсда майдонга тушишга тайёр эканини кўрсатди. Дибала ва Ндикадан ташқари Лоренцо Пеллегрини ҳали тўлиқ тикланмагани сабаб қайдномага киритилмади.