Александр Головиннинг манфаатларини ҳимоя қилувчи агент Александр Клюев "Монако" марказий ярим ҳимоячисининг келажаги ҳақида фикр билдирди.

Яқинда матбуотда 30 ёшли футболчи Россия Премьер-лигасига қайтиши мумкинлиги, унга "Зенит" қизиқиш билдираётгани ҳақида хабарлар тарқалганди.

"Головинни "Монако"да қолишга чақиришяптими? Бундай чақириқларни тушунмайман. Ахир бизнинг "Монако" билан 2029 йилгача шартномамиз бор. Сашани доим қаергадир жўнатишади, аммо ўзингиз кўриб турибсиз — у "Монако"да ўйнаяпти", — дея агентнинг сўзларини "СЭ" келтирди.

Жорий мавсумда Головин Франция клуби сафида 4 та ўйин ўтказиб, 1 та гол урди ва 2 та голли узатмани амалга оширди.