«Рома» эркин агент мақомида турган «Бавария»нинг собиқ ҳимоячиси Рафаэл Геррейруни таркибига қўшиб олиш имкониятини кўриб чиқмоқда, дея хабар бермоқда Bulinews.
Бу борадаги маълумотлар Италиянинг Gazzetta dello Sport нашрига таянади. Рим клуби таркибида ҳозирча фақат Аннас Салах-Эддин чап қанот ҳимоячиси сифатида қайд этилгани боис, Геррейру бош мураббий Жан Пьеро Гасперинининг танлов имкониятларини кенгайтириши мумкин.
Португалиялик футболчининг «Бавария» билан шартномаси ёзда якунлангани сабабли уни текинга қўлга киритиш мумкин.
