«Roma» erkin agent maqomida turgan «Bavariya»ning sobiq himoyachisi Rafael Gerreyruni tarkibiga qo‘shib olish imkoniyatini ko‘rib chiqmoqda, deya xabar bermoqda Bulinews.
Bu boradagi ma’lumotlar Italiyaning Gazzetta dello Sport nashriga tayanadi. Rim klubi tarkibida hozircha faqat Annas Salax-Eddin chap qanot himoyachisi sifatida qayd etilgani bois, Gerreyru bosh murabbiy Jan Pyero Gasperinining tanlov imkoniyatlarini kengaytirishi mumkin.
Portugaliyalik futbolchining «Bavariya» bilan shartnomasi yozda yakunlangani sababli uni tekinga qo‘lga kiritish mumkin.
