«Барселона» ва «Милан» собиқ футболчиси Ривалдо фаолияти давомида Россия клубларидан бирига ўтиши мумкин бўлган-бўлмагани ҳақидаги саволга жавоб берди.
«Афсуски, бундай таклифлар бўлмаган, аммо менимча, Россияда ўйнашни истардим», — дея Бразилия терма жамоаси афсонасининг сўзларини «Матч ТВ» келтирди.
Ривалдо Бразилия терма жамоаси таркибида 2002 йилги Жаҳон чемпионати ғолиби бўлган. Шунингдек, собиқ ҳужумчи «Олтин тўп», Испания чемпионати (икки марта), Испания Кубоги, Италия Кубоги, УЕФА Суперкубоги ва Чемпионлар лигасида ғолиб чиққан.
Бразилиялик футболчи профессионал фаолиятини 2015 йилда якунлаган. Унинг сўнгги клуби «Можи-Мирин» бўлган.
