«Ницца» Франция чемпионатининг 3-турида ўз майдонида Лига 1 дебютанти «Ле-Ман»ни қабул қилди ва яна ғалаба қозона олмади. Учрашув 1:1 ҳисобида якунланди.
Шу тариқа, «Ницца»нинг Франция чемпионатидаги ғалабасиз серияси 11 та ўйинга етди.
Жамоа Лига 1да сўнгги бор 2026 йил 14 март куни, ўтган мавсумнинг 26-турида «Анже»ни мағлуб этган эди.
XXI асрда «Ницца»да бунчалик узоқ давом этган ғалабасиз серия ҳали кузатилмаган.
Клуб тарихида бундай ҳолат сўнгги бор 1996/97 йилги мавсумда рўй берган. Ўшанда «Ницца» Франция чемпионатида кетма-кет 14 та учрашувда ғалаба қозона олмаган эди.
