«Сент-Этьен» Франция иккинчи дивизионида ажойиб натижалар қайд этмоқда. Номдор клуб чемпионатнинг дастлабки бешта учрашувида ҳам ғалаба қозониб, юқори дивизионга қайтиш борасидаги жиддий мақсадларини яққол намоён қилди.
Ҳаммаси 1-турда «Сошо» устидан 3:0 ҳисобидаги ғалаба билан бошланди. Кейин «Сент-Этьен» «Клермон»ни 3:1 ҳисобида мағлуб этди. Шундан сўнг «Гренобль» 4:0 ҳисобида тор-мор қилинди.
Навбатдаги турда жамоа «Дижон»ни 3:2 ҳисобида енгди. Бу ҳозирча «Сент-Этьен» учун мавсумдаги энг қийин ғалаба бўлди.
Шанба куни эса жамоа «Монпелье»ни ҳам 3:1 ҳисобида мағлуб этиб, ғалабали сериясини давом эттирди.
Лига 2да бундай муваффақиятли стартни сўнгги бор 2018 йилда «Метц» қайд этган эди.
Кейинги турда «Сент-Этьен» «Дюнкерк»ка қарши майдонга тушади. Учрашув 12 сентябрь куни бўлиб ўтади.
