«Манчестер Сити» ҳужумчиси Эрлинг Холанд жамоанинг янги футболчиси Илиман Ндиайенинг ўйини ҳақида фикр билдирди.
Сенегаллик вингер «шаҳарликлар» сафидаги дебют учрашувида «Ковентри»га қарши 87-дақиқагача майдонда ҳаракат қилди. Баҳс «Манчестер Сити»нинг 1:0 ҳисобидаги ғалабаси билан якунланди.
«Ндиайенинг маҳорати дарҳол кўзга ташланади. У рақибларни қандай алдаб ўтиши, уларнинг ёнидан гўё сирғалиб ўтиши — ажойиб!
Бизнинг барча янги футболчиларимиз жуда иқтидорли. Клуб уларни айнан шунинг учун ҳам харид қилди», — дея норвегиялик ҳужумчининг сўзларини City Report келтирмоқда.
Шанба кунги учрашувдаги ягона гол муаллифи айнан Холанд бўлди.
«Манчестер Сити» Илиман Ндиайени трансфер ойнасининг сўнгги кунида «Эвертон»дан 70 миллион еврога сотиб олган эди.
