«Тоттенхэм» бош мураббийи Роберто Де Дзерби АПЛнинг 3-турида «Ноттингем Форест»га қарши 0:0 ҳисобида якунланган учрашувдан сўнг фикр билдирди. Бу «шпорлар»нинг жорий мавсумдаги илк очкоси бўлди.
«Натижадан хафаман. Шу билан бирга, ўйинимиздан жуда мамнунман. Айниқса, биз илк бор ўтган пайшанба куни, биринчи ўйин олдидан биргаликда ишлашни бошлаганимизни ҳисобга олсак.
Биз яхши ўйнадик. Энди охирги пасларда қарор қабул қилиш сифатини яхшилашимиз керак», — дея мутахассиснинг сўзларини Sky Sports келтирмоқда.
«Мармуш зарба берган вазиятда Робертсон унинг орқасида мутлақо бўш эди ва ҳужумга қўшилаётганди.
Агар майдоннинг сўнгги учдан бир қисмидаги якуний қарорларимизни яхшиласак, жуда-жуда кўп гол ура оламиз. Чунки таркибимизда юқори савияли футболчилар бор.
Ҳозир эса бу натижани қабул қилиш биз учун қийин», — деди Де Дзерби.
«Ноттингем Форест» 2 очко билан 16-ўринда, «Тоттенхэм» эса бир поғона пастда жойлашган.
