«Ковентри» бош мураббийи Фрэнк Лэмпард Англия чемпионатининг 3-турида «Манчестер Сити»дан 0:1 ҳисобида учралган сафар мағлубиятидан сўнг фикр билдирди.

«Биз томондан яхши ўйин бўлди. Бу учрашувдан нимадир олишга лойиқ эдик, деб ҳис қилдик. Менимча, дуранг адолатли натижа бўлар эди.

Биз учта жуда яхши голли вазият яратдик. Футболчилар ҳозир кийиниш хонасида ҳеч қандай очко ололмаганимиздан жуда хафа.

Премьер-лига — жуда юқори даража. Энг муҳими, биз бу ўйиндан ўзимизга бўлган ишончни олишимиз керак», — деди Лэмпард матбуот анжуманида.

«Ковентри» учта ўйиндан кейин ҳали очко жамғара олмаган ва Англия чемпионати турнир жадвалида 19-ўринни эгаллаб турибди.

4-турда жамоа ўз майдонида «Брайтон»ни қабул қилади.