«Аталанта» бош мураббийи Маурицио Сарри Италия чемпионатининг 3-турида «Рома»дан 1:2 ҳисобида учралган уй мағлубиятидан сўнг фикр билдирди.
«Бу ўйин босим остида жуда кўп ҳаракат қилишни талаб қилди. Аммо биз айни пайтда А Сериянинг энг кучли жамоасига қарши ўйнадик. Менимча, «Рома» чемпионлик учун охиригача курашади.
Биз ўйин қийин бўлишини билардик ва босимга чидадик. Аммо сўнгги ярим соатда жуда чуқур ҳимояланиб қолдик. Балки, шунчаки кучимиз тугаб бораётгандир.
Шунга қарамай, менда катта таассурот қолдирган «Рома»га охиригача муаммо туғдира олганимиздан мамнунмиз.
Бундай савиядаги жамоага қарши ҳаддан ташқари пастга тушиб ҳимоялансангиз, қийналасиз. Афсуски, бунинг бадалини тўладик.
Биз ривожланаётганимизга ишонамиз, аммо ҳозир «Рома» биздан бир қадам олдинда», — деди италиялик мутахассис матбуот анжуманида.
«Аталанта» 3 та ўйиндан сўнг 6 очко билан Италия чемпионати турнир жадвалида 7-ўринни эгаллаб турибди.
