«Бавария» Германия чемпионатининг 2-турида «Шальке» билан 0:0 ҳисобида дуранг ўйнади.

Шу тариқа, мюнхенликларнинг Бундеслига тарихида рекорд ҳисобланган кетма-кет 67 тур давомида турнир жадвалида пешқадам бўлиб келиш серияси якунланди.

Бу серия 2024/25 йилги мавсумнинг 2-туридан бошланган эди.

Аввалги рекорд ҳам «Бавария»га тегишли бўлган. Ўшанда мюнхенликлар кетма-кет 43 тур давомида пешқадамлик қилган ва серия 1973/74 йилги мавсумнинг илк ўйин кунида якунланган.

Жорий мавсумнинг дастлабки икки туридан кейин «Бавария» 4 очко билан турнир жадвалида 4-ўринни эгаллаб турибди.

Мюнхенликлар 6 тадан очко жамғарган «Фрайбург», Дортмунднинг «Боруссия»си ва «Эльферсберг»дан 2 очко ортда қолмоқда.