Украиналик вингер Михаил Мудрик 2024 йил ноябридан бери амал қилган дисквалификацияси тугаганидан сўнг биринчи расмий учрашувини ўтказди. «Тоттенхэм» футболчиси АПЛнинг учинчи турида «Ноттингем Форест»га қарши ўйиннинг иккинчи тайми охирида майдонга тушди.

0:0 ҳисобида якунланган учрашувдан сўнг «шпорлар» бош мураббийи Роберто Де Дзербидан Мудрикнинг жисмоний ҳолати ҳақида фикри сўралди.

«У ҳали тайёр эмас. У энг яхши жисмоний ҳолатига эришиш устида ишлаяпти. Унга вақт керак, у ишлаши керак. Бу позицияда бизда Матис Тель бор, унинг салоҳияти катта. Аммо Матис ҳам, Мудрик каби, жуда кўп нотўғри қарорлар қабул қилади», — дея Де Дзербининг сўзларини келтиради Football.London.

25 ёшли Мудрик «Тоттенхэм»да ижара асосида ўйнамоқда. Унинг Лондоннинг «Челси» клуби билан шартномаси 2031 йилгача амал қилади.