Ukrainalik vinger Mixail Mudrik 2024 yil noyabridan beri amal qilgan diskvalifikasiyasi tugaganidan so‘ng birinchi rasmiy uchrashuvini o‘tkazdi. «Tottenxem» futbolchisi APLning uchinchi turida «Nottingem Forest»ga qarshi o‘yinning ikkinchi taymi oxirida maydonga tushdi.

0:0 hisobida yakunlangan uchrashuvdan so‘ng «shporlar» bosh murabbiyi Roberto De Dzerbidan Mudrikning jismoniy holati haqida fikri so‘raldi.

«U hali tayyor emas. U eng yaxshi jismoniy holatiga erishish ustida ishlayapti. Unga vaqt kerak, u ishlashi kerak. Bu pozisiyada bizda Matis Tel bor, uning salohiyati katta. Ammo Matis ham, Mudrik kabi, juda ko‘p noto‘g‘ri qarorlar qabul qiladi», — deya De Dzerbining so‘zlarini keltiradi Football.London.

25 yoshli Mudrik «Tottenxem»da ijara asosida o‘ynamoqda. Uning Londonning «Chelsi» klubi bilan shartnomasi 2031 yilgacha amal qiladi.