«Орландо» ҳужумчиси Антуан Гризманн МЛС доирасида «Сан-Диего»га қарши кечган учрашувда жамоасига ғалаба келтирган гол муаллифи бўлди — 1:0.

35 ёшли франциялик футболчи кетма-кет учинчи ўйинда рақиб дарвозасини ишғол қилди. Унинг гол ёки ассист қайд этган ўйинлари серияси эса тўрттага етди — бу даврда Гризманн 4 та гол уриб, 2 та голли узатмани амалга оширди.

Жорий мавсум МЛСда собиқ «Атлетико» ва «Барселона» футболчиси 8 та учрашувда майдонга тушиб, 5 та гол ва 3 та голли узатмани ўз ҳисобига ёздириб қўйди.