Сенегаллик вингер Илиман Ндиайе «Эвертон»дан «Манчестер Сити»га ўтиши ҳақида фикр билдирди.

«Манчестер Сити» — дунёдаги энг йирик клублардан бири. Ким бу ерда ўйнашни истамайди? Бу ерда совринларни қўлга киритиш учун майдонга тушасиз. Ҳар бир ўйиндаги мақсад — ғалаба», — дея ярим ҳимоячининг сўзларини инсайдер Фабрицио Романо ўз ижтимоий тармоқларида келтирди.

Ндиайе ёзги трансферлар ойнасида «шаҳарликлар» сафига қўшилди. Трансфер қиймати 70 миллион еврони ташкил этди. Сенегаллик футболчи «Манчестер Сити» билан 2031 йил июнь ойи охиригача мўлжалланган узоқ муддатли шартнома имзолади.

Жорий мавсумда Илиман АПЛда 3 та учрашув ўтказиб, 1 та голли узатма амалга оширди.