Дортмунднинг «Боруссия» клуби ярим ҳимоячиси Феликс Нмеча Англия Премьер-лигаси клублари эътиборини тортмоқда. Бу ҳақда инсайдер Экрем Конур ижтимоий тармоқларида хабар берди.
Манбага кўра, 25 ёшли футболчини ўз сафига қўшишни «Манчестер Сити», «Манчестер Юнайтед» ва «Ньюкасл» истамоқда. Германиялик футболчининг трансфер қиймати 55 миллион еврони ташкил этади. У «арилар» билан 2030 йил июнь ойи охиригача шартнома тузган.
Жорий мавсумда Феликс Германия чемпионатида 2 та учрашув ўтказди ва голли ҳаракатлари билан ажралиб турмади.
Бундеслиганинг 2 та туридан сўнг «Боруссия» 6 очко билан 2-ўринда бормоқда.
