Dortmundning «Borussiya» klubi yarim himoyachisi Feliks Nmecha Angliya Premyer-ligasi klublari e’tiborini tortmoqda. Bu haqda insayder Ekrem Konur ijtimoiy tarmoqlarida xabar berdi.
Manbaga ko‘ra, 25 yoshli futbolchini o‘z safiga qo‘shishni «Manchester Siti», «Manchester Yunayted» va «Nyukasl» istamoqda. Germaniyalik futbolchining transfer qiymati 55 million yevroni tashkil etadi. U «arilar» bilan 2030 yil iyun oyi oxirigacha shartnoma tuzgan.
Joriy mavsumda Feliks Germaniya chempionatida 2 ta uchrashuv o‘tkazdi va golli harakatlari bilan ajralib turmadi.
Bundesliganing 2 ta turidan so‘ng «Borussiya» 6 ochko bilan 2-o‘rinda bormoqda.
