"Арсенал"нинг норвегиялик ҳужумкор ярим ҳимоячиси Мартин Эдегор жамоа вингери Букайо Саканинг жорий Англия Премьер-лигасидаги ўйини ҳақида фикр билдирди.
Яқинда АПЛнинг 2-турида "Астон Вилла"га қарши 1:0 ҳисобидаги ғалаба билан якунланган баҳсда Сака ғалаба голини урган эди.
"Букайони яна гол ураётганини кўриш жуда ёқимли бўлди. Биз ундан айнан шуни кутамиз ва у бу мавсумни ажойиб формада бошлагани кўриниб турибди.
Албатта, ўтган мавсумда жароҳатлар туфайли унда муаммолар бўлди. Аммо ҳозир у катта иштиёқ ва бу мавсумда янада яхшироқ ўйнаш истаги билан қайтди", — деди Эдегор клуб матбуот хизматига берган интервьюсида.
Бугун, 6 сентябрь куни "Арсенал" ва "Челси" ўртасида Лондон дербиси бўлиб ўтади.
Ҳар икки жамоа ҳам АПЛнинг дастлабки икки турида ғалаба қозонган.
