«Ювентус» бош мураббийи Лучано Спаллетти А Сериянинг 3-турида «Милан»га қарши ўтган ва 1:1 ҳисобида якунланган учрашувда жамоасининг ўйини ҳақида фикр билдирди.

«Бьянконери» ўз майдонидаги мағлубиятдан 90+2-дақиқада Федерико Гатти урган гол эвазига қутулиб қолди.

«Биз белгилаб олган йўналишимиздан оғишмаслигимиз керак. Бугун яхши ўйин кўрсатдик. «Ювентус» доимий равишда прессинг қилди ва ҳатто ҳисоб 0:0 бўлиб турган пайтда ҳам ўйин суръатини оширишга ҳаракат қилди.

Қарор қабул қилиш устида ишлашимиз керак. Рақиб бизга имконият берishini кутиб ўтирмасдан, олдинга интилишимиз ва ташаббусни ўз қўлимизга олишимиз зарур.

Рақиб майдонининг сўнгги учдан бир қисмидаги ҳаракатларимиз ҳали талаб даражасида эмас. Гап майда деталлар ҳақида кетяпти, аммо айнан шундай деталлар ўйин тақдирини ҳал қилиши мумкин», — деди Спаллетти DAZN нашрига берган интервьюсида.

«Ювентус» ҳам, «Милан» ҳам жорий мавсумда илк бор очко йўқотди.